Дротик, ККР

Дротик, ККР нь үр тариа, эрдэнэ шишийн талбайн нэг, олон наст хос үрийн талт хог ургамалтай тэмцэхэд зориулагдсан  соёололтын дараах сонгомол системийн үйлчилгээтэй  гербицид. 2.4-Д ба МЦПА-ийн төрлийн гербицидэд тэсвэртэй  хог ургамлыг мөн устгана.

Бэлдмэлийн хэлбэр:

400г/л 2.4Д-гийн хүчил агуулсан концентраци коллойд уусмал.

Аюулын зэрэг:

3-р анги, аюул багатай. Савалгаа 5л.

Давуу тал:

–Ихэнхи хөнөөлт хог ургамлын эсрэг өндөр үр дүнтэй ба хос үрийн талт хог ургамалд сонгомол үйлчилгээ үзүүлж дарангуйлна.

-Бэлдмэлийн хэлбэр нь түүний үйлчлэх бодисын давуу талуудыг бүрэн дүүрэн ашиглахад дөхөм.

-Устахад төвөгтэй олон наст хог ургамалд / шаралзгана, азаргана, сэдэргэнэ, татаар зираа  / илүү үр дүн үзүүлнэ

–Хөрсөнд амархан задардаг тул ээлжлэн тариалах системд хязгаарлалт байдаггүй.

-Гербицидийн үйлчилгээ агаарын температур +5⁰С байхаас идэвхтэй явагдаж бусад төрлийн 2.4Д-гийн бүлгийн бэлдмэлүүдээс давуу.

-Бусад төрлийн бэлдмэлүүдтэй  ялангуяа  сульфомочевины төрлийн гербицидүүдтэй холимог байдлаар хэрэглэж болно

Үйлчлэх механизм:

Гербицид нь хэрэглэснээс хойш нэг  цагийн турш богино хугацаанд  навчаар дамжин  хог ургамлын бүх хэсгүүдэд тархан үндэсрүү нэвтэрч залуу эд эрхтний эсийн өсөлтийг саатуулдаг системийн идэвхийг агуулдаг.

Хамгаалах үйлчлэлийн хугацаа,үйлчилгээний хурд:

Гербицид хэрэглэснээс хойш 30 хоног түүнээс ч илүү хугацаагаар хамгаална.

Гербицид хэрэглэснээс хойш 1 цагийн дараа эхний шинж тэмдэг гадаад байдлаараа харагдаж  гербицидийн үр дүн 10-15 хоногийн дараа бүр мөсөн үхнэ.

Үйлчлэх хүрээ:

Нэг ба олон наст   хос үрийн талт   хог ургамалд үйлчилнэ. Зусах болон өвөлжих буудай, арвай, эрдэнэ шиш

Гербицидэд мэдрэмтгий хог ургамлын зүйлүүд:

Арзгар азарнгана, чөдөр сэдэргэнэ, зэрлэг байцаа, софиягийн борбут, цагаан лууль, ганд бадраа, дошинцог, эгэл ноцоргоно,  дунд ажигана, шорной, шаргал намуу, луулийн зүйлүүд, биелэг, эгэл гаймуу, зэрлэг лууван, гагдайн зүйлүүд, хөдөөгийн бираагаа, хурган чих, татаар зираа, хөдөөгийн шаралзгана, гашуун банздоо

Гербицидэд сул мэдрэмтгий хог ургамлын зүйлүүд:

Тарны /зүйлүүд/, татаар сагаг, дунд ажигана, царвант шарилж,  балжин гарав /зүйлүүд/, нил цэцэг зэргийг устгадаг.

Бусад бодистой нийцэх байдал:

Дротик нь сульфонилмочевин, дикамба, клопиралидом, бентазоном зэрэгт суурилсан гербицидүүдтэй болон фунгицид, инсектицидүүдтэй холимог байдлаар хэрэглэхэд нийлэмжтэй.

Хадгалах нөхцөл:

Үйлдвэрлэснээс хойш 3 жил, бэлдмэлийг хуурай нөхцөлд зориулалтын байр саванд хадгална./ -15⁰С – +30⁰С/

Хэрэглэх заавар:

Ажлын уусмал бэлтгэх төхөөрөмжийг цэнэглэх үйл ажиллагааг тусгай талбай дээр явуулах ба дараа нь талбайг хоргүйжүүлнэ. Газрын техник ашиглах үед бэлдмэл холих савны дундуур цэвэр ус хийж дээрээс нь бэлдмэлийг хийнэ. Дараа нь усыг шаардлагатай хэмжээнд нь хүртэл дүүргэж хийгээд сайтар хутгана. Шүршигч машин ОПШ-15-01,ОПШ-3-24,ОП-2000-2-01 ба бусад. Нэг наст хос үрийн талт хог ургамлын 5-10см өндөртэй үед,үндэсний хэсгээр үрждэг олон наст хог ургамлын тэвгэн навч үүсэх үе шатанд хэрэглэхэд хамгийн сайн үйлчилгээ үзүүлдэг.

Хэрэглэх тун норм: